Friday, December 15th, 2017

SANBALOOSHE OO GO’AAN KA GAARAYAY EEDEYNTA DUSHA LAGA SAARAY KADDIB MARKII UU OGAADAY IN AANU KU NOQON KARIN XILDHIBAANIMO (SABABTA) .

Published on November 22, 2017 by   ·   No Comments

Kadib markii ay soo baxdey warbixintii Guddiga aqalka hoose ee Barlamanka Federaalka Soomaaliya u xilsaarey kiiskii Qalbi-dhagax ayaa waxaa jira warar sheegaya in madaxda sare ee Hay’ada fulinta dowlada wadahadal la bilaabeen taliyihii hore ee ciidamada Nabad Sugida Cabdulahi Maxamad Cali “Sanbalooshe’. Wadahadlkaan ayaa xubnaha u sareeya Hay’adaan kaga hortagyaan in Taliyihii hore ee NISA sidii uu jawaab uga bixin laheyn eedynta guddiga aqalka hoose ee Barlamanka Federaalka u soo jeediyeen.

 

Guddiga loo xilsaarey iney go’aan kasoo gaaraan dhiibista kiiska Qalbi-dhagax ayaa eeda dhacdadaan waxa ay dusha ka saareen Haya’adii Cabdulahi Maxamad Cali ‘ Sanbalooshe’ madaxda uu ka ahaa kuwaasoo yiri, “Kaddib markaan aragnay dhammaan Dastuurradii ay Soomaaliya soo yeelatay taniyo xorriyaddii 1960-kii iyo shuruucda dalka ee ku aaddan arrinta isu-gudbinta eedeysanayaasha iyo dambiilayaasha, Guddiga waxaa usoo baxday in dhiibista Cabdikariim Sheekh Muuse “Qalbi Dhagax” aan loo marin hab sharci ah, lagana talo-gelin Hay’adaha Garsoorka, iyada oo ay isla markaasna maareysay Hay’adda Sirdoonka iyo Nabad Sugidda Qaranka keliya, laguna saleeyay go’aan ku dhisan xog aan sugneyn oo la siiyay Madaxda Qaranka.”

Dhinaca kale waxaa meesha ka baxday rajadii uu ka qabay Taliyihii hore ee NISA ka mid noqoshada Golaha Barlamanka Federaalka Soomaaliya kaasoo iska casiley xilkaan markii loo magacaabey Hay’adaan. Sida aay sharci yaqaano u sheegeen Muqdisho Online, Sanbalooshe ayaa lagu eedeeyay qiyaano qaran iyo in jebiyay qodobo dastuuri ah  taasoo aanan u ogolaaneyn in uu qabto masuuliyad danbe oo dowladeed.

 

Sanbalooshe oo cabsi ka qaba raadka sharciyan ku yeelan karto eeda dusha laga saarey hadii uusan jawaab ka bixin ayaa sida Muqdisho Online u sheegeen sharci yaqaano, waxay saameyn ku yeelan doontaa kamid ahaanshihiisa Barlamanka Federaalka Soomaaliya halka qoyska Qalbi-dhagax dacwad ku soo oogi karaan.

 

Shacabka Soomaaliyeed ayaa sidoo kale tan iyo markii ay soo baxdey warbixintaan eedymo u jeedinayey madaxda sare ee Hay’ada fulinta dowlada ( Madaxweynaha iyo Ra’isal wasaaraha) ku lug lahaanshahooda go’aanka hay’adda NISA ku dhiibtey Qalbi Dhagax halka dhinaca kale ku cadaadinayeen in Sanbalooshe jawaab ka biixyo sida uu wax u og yahay.

 

Taliyaha ciidamada NISA ayaa waxaa lagu magacaabaa wareegto Madaxweyne iyadoo shaqadiisu hoostimaado Ra’isal wasaaraha Soomaaliya. Barlamanada dowlada Federaalka ayaa iyagu nidaam ahaan wax lug ah ku lahyn ansaxinta madaxda hay’adaha amniga.

Readers Comments (0)

Comments are closed.

FIND ON FACEBOOK