Friday, December 15th, 2017

XOG SIR AH: CABSI AAD U XOOGAN OO KA TAAGAN MAGAALADA MUQDISHO IYO WARAR SHEEGAAYO IN ……………

Published on December 6, 2017 by   ·   No Comments

Warar lagu kalsoon yahay oo aan ka heleyno Saraakiil ka tirsan Booliska dowlada ayaa sheegaya in maleeshiyaadka Al-Shabaab ay qorsheynayaan in weeraro argagixiso ay ka geystaan magaalada Muqdisho.

Saraakiishan ayaa xaqiijiyay in amaanka magaalada Muqdisho uusan weli ku taagneyn caga wanaagsan isla markaana ay jiraan xogo muujinaaya in magaalada ay ku jiraan gaadiid sida Qaraxyo tan culus.

Gaadiidkan ayaa laga cabsi qabaa in magaalada Muqdisho ay ka geystaan falal amni darro xili dhawaan ay magaalada Muqdisho marti galisay Qaraxii ugu cuslaa oo maalin madow u diiwaan galisay dadka ku nool magaalada Muqdisho.

 

Gaadiidka la sheegay inay ku dhex jiraan magaalada Muqdisho ayaa la xaqiijiyay in looga shakisan yahay Degmooyinka Dharkiinley, Waaberi, Wadajir, Hodan iyo Dayniile oo inta badan gabaad u ah maleeshiyaadka dhuumaaleysiga ku jooga magaalada Muqdisho.

 

 

 

Gaadiidkan ayaa noocyadooda lagu kala sheegay Noah, Caasi, Dheyno iyo Gaari sida Booyad shidaala, sida ay xaqiijiyeen Saraakiisha amaanka.

 

Ciidamada amaanka magaalada Muqdisho ayaa ku jira heegan buuxa waxaana xusid mudan in Seddexdii habeen ee ugu danbeysay magaalada Muqdisho laga howlgaliyay Eeyo u tababaran ka hortaga Qaraxyada.

 

Ma cadda sida uu xaalka noqon doono inkastoo ciidamada amaanka ay juhdi galinayaan ka hortaga wax waliba oo caqabad ku ah amniga.

Readers Comments (0)

Comments are closed.

FIND ON FACEBOOK